新劇《美麗高解像》，梁政珏演落選港姐為上位搏到盡，原來私底下佢都低胸露咪自拍放上 blog，似乎豪放性格不遑多讓。
《美麗高解像》上週平均收26點，雖然唔算大爆，但劇中大玩影射娛樂名人，搞到身有屎嘅藝人個個自危，總叫有話題。除咗講藝人吸毒、爭上位外，亦講選美黑幕，其中一幕講佳麗着泳衣，更令觀眾網友暈晒浪，除咗徐子珊夠索， 28歲 34D小花梁政珏（讀音：角）的噴血三點式亦好搶眼。
三點式令網友噴血，但只屬小兒科，事關鬼妹仔性格嘅梁政珏有鋪自拍癮，仲愈拍愈激，本刊在梁政珏的 blog中更發現絕密超激相，既自摸又騷胸，大膽程度拍得住 o靚模寫真集。記者致電訪問新咪精，佢仲直認：「性係好緊要！」
07年訓練班畢業嘅梁政珏（Jeanette），當年有傳得六嬸方逸華引薦下簽約，其律師父親梁衛民更與六嬸私交甚篤。有後台嘅梁政珏訓練班一畢業即有機演處境劇《同事三分親》，飾演兼職便利店妹 MayMay。當時外表清純，即使有 34D身材亦收得密實。比起《美麗高解像》入面的性感落選港姐，絕對天使與魔鬼。
記者向梁政珏問有關這輯自摸慾照時，她表現驚訝說：「係我喺屋企張床自拍！我讀開 fashion，呢啲係靚啫！」讀番書係開放啲！
相中的梁政珏影到公仔咁，眼大鼻高，她說：「連監製都話我似整容，我歡迎下次你哋（記者）驗我個樣！係百分百天生，冇整過 o架！」
晒咪自拍
上週一（ 14日）《美麗高解像》首集播映，梁政珏飾演候選港姐佳麗，着住三點式喺沙灘拋胸拉票，即成網友熱話，鋒頭唔弱得過主角徐子珊。
唔只幕前性感，喺美國 Baylor University讀 FashionMerchandising嘅梁政珏，原來勁愛自拍，繼去年有性感床照流出，本刊最近喺佢自家blog內亦搵到唔少超激自拍相，上週更新的網誌中更一連上載了多張自摸激照，梁政珏潮模上身，騷胸自拍，甫士極之誘人。
《美》劇梁政珏一出場即勁騷身材，網友勁 buy，話佢係張曼玉翻版，亦有人話佢似已故艷星陳寶蓮，對高登仔嚟講人氣拍得住同劇徐子珊。
梁政珏喺《美》劇飾演落選佳麗，更因為啪丸變成吸毒者，最後更淪落街頭賣淫，不過佢強調自己冇掂過任何毒品。
要安全性愛
對於 blog入面激相流出，梁政珏週一在電話中對本刊表示驚訝：「吓？咁都俾你搵到呀！」唔只自拍大膽，鬼妹仔性格嘅梁政珏，對性亦坦白。
F：《 FACE》 梁：梁政珏
F：你覺得性對你係咪好緊要呢？
梁：食色性也。「性」係好緊要嘅，不過要大家雙方了解、信任先得，如果我同男朋友有性生活，我會諗結婚。
F：咁你對性有咩要求呢？
梁：吓？最緊要安全囉！同埋好似男女一齊咁，係自然發展，冇得話要求咩 o架！
當記者卻再問梁政珏的性經驗時，佢就話：「呢啲嘢咁露骨，我唔講喇。」
梁政珏着 Alexander Wang嘅露背裝出席《 Only You》拜神，被指性感博出位，梁表示：「我希望人哋留意我性感同睇埋我嘅演技。
除咗自拍之外，梁政珏都鍾意畫畫同埋為愛犬 Annabella影相。
潮人新男友
有身材又有性格的梁政珏，身邊自然多人追求。上週三（ 16日）梁政珏到中環為劇集《 Only You》拍外景，收工後相約一名6呎戴帽型男到附近名牌鞋店 Christian Louboutin買鞋，原來型男為本地潮牌 Ground-Zero設計師 EriChu，其間男友更寸步不離梁政珏，更情不自禁撥弄梁的秀髮。不過梁政珏卻否應戀情：「 Eri係我一個好好嘅朋友。我哋唔係拍拖，不過有好感囉！」
Ground-Zero設計師 Eri Chu在鞋店一臉溫柔撫摸着梁政珏塊面，唔知仲以為佢哋喺屋企享受閨房樂。
雖然二人被本刊拍到行孖咇拍拖，不過梁政珏笑笑口向記者表示：「只係朋友，唔好亂寫！」
性感有運行
梁政珏為 07年21期訓練班，雖然父親梁衛民為當年德寶電影公司法律顧問，亦係方逸華好友，不過梁政珏強調父親並沒有為她鋪路，畢業後首部劇為《同事三分親》，飾演便利店售貨員 May May，不過最令人有印象係《獎門人》三點式登場，令一眾網友大讚 May May好身材，更一度成為當時Yahoo搜尋第一位。之後梁政珏轉以性感上陣，除《美麗高解像》外，更成為王晶「晶女郎」，拍攝《美麗密令》，影視兩棲新咪精！掂啦！
07︰ 07年梁政珏啱啱畢業，拍攝《同事三分親》做便利妹 May May一角，仲將熒幕初吻畀咗蔡淇浚。
08︰拍完《同事三分親》後， 08年拍攝《東山飄雨西關晴》，其間更試過頂唔順開工暈倒。《蘋果日報》圖片
梁政珏在 facebook的床照曝光，大家先知原來 May May咁好身材。
索爆身材曝光後，即獲志偉中到日本拍攝《獎門人》玩水戰，更成網友新女神。
09︰梁政珏更被晶哥睇中，先喺《金錢帝國》飾演陳奕迅其中一個姨太，之後更拍攝新片《美麗密令》，戲分愈來愈多。《蘋果日報》圖片
猛料老豆
梁政珏父親梁衛民為香港大律師，專打民事及刑事案。
梁衛民早年獲潘迪生重用，曾出任德寶電影公司法律顧問，現與女兒梁政珏同住司徒拔道嘉苑，而其律師樓位於中環雪廠街。
Ground-Zero designer狂追
Ground-Zero係本地潮牌，由阿哥 Eri Chu同細佬 Philip Chu兩兄弟成立，連天后 Sammi同阿嬌都係佢客仔，英國《 Nylon》等時裝雜誌亦成日見到佢作品，佢哋嘅設計擅長將一些經典 logo改頭換面搬上自家設計。
星級客仔
阿嬌
Sammi
Eri Chu、 Philip Chu
Ground-Zero係本地潮牌，由阿哥 Eri Chu同細佬 Philip Chu兩兄弟成立，連天后 Sammi同阿嬌都係佢客仔，英國《 Nylon》等時裝雜誌亦成日見到佢作品，佢哋嘅設計擅長將一些經典 logo改頭換面搬上自家設計。
袁彌明鬧賤格
梁政珏反擊： what news?
早前梁政珏被週刊拍到同何厚鏵侄仔（何敬謙）飯聚，後同親生細佬游水被偷拍，之後梁竟招袁彌明插爆。袁更喺佢網上電台節目《大娛樂家》度，炮轟梁政珏借人夾新聞，更鬧梁政珏下賤。雖然梁政珏喺傳媒面前避談遭辱罵，不過就喺自己個 blog度有所指，上載日期又十分吻合袁的下賤論，反擊都以教養行先。
袁彌明
梁政珏喺 blog度用咗 1行字，疑似反擊袁彌明，兩句搞掂，認真高招！
何敬謙
